Í næsta þætti af Hver ertu? er fjallað um bílslys þar sem Guðrún Lárusdóttir lét lífið ásamt tveimur dætrum sínum. Hver ertu? eru nýir þættir á Sjónvarpi símans. Þátturinn um Guðrúnu verður sýndur á morgun, þann 8. október, klukkan 20:00.
Guðrún Lárusdóttir var önnur konan til að setjast á Alþingi.
„Ævi hennar endar mjög sorglega. Þau eru að fara gullna hringinn og fara yfir brú. Kenningin er sú að bremsurnar hafi gefið sig og bíllinn hreinlega tekið dýfu ofan í Tungufljót. Það var ljóst að þær drukknuðu þarna og þetta var mikið áfall […] Þjóðin syrgði hana eftir þetta hræðilega slys,“ segir Bára Huld Beck, blaðakona.
Í þáttunum er grandskoðað ættartré þjóðþekktra Íslendinga. Hver er persónan bak við nafnið? Vitum við nákvæmlega hvaðan við komum, hvaðan forfeður okkar komu? Hvað hefur mótað okkar persónu, okkar skapgerð, líkamsburði, veikleika og styrkleika? Hvaðan eru þeir?
