Rannsóknarblaðamaðurinn Helgi Seljan hefur svarað gagnrýni Páls Steingrímssonar, skipstjóra Samherja, á ansi frumlegan hátt. Undanfarið hefur Páll verið duglegur við það að gagnrýna Helga, sem að hann segir að brjóti siðareglur RÚV hvað eftir annað.
Helgi birti í kvöld myndagátu í færslu á twitter-síðu sinni. Þar birti hann tvær myndir, annars vegar af Ritz-kexi og hins vegar af Óðni.
Spurt er um…. pic.twitter.com/Ls2pPehaf1
— Helgi Seljan Jóhannsson (@helgiseljan) June 15, 2020
Orðið sem að Helgi leitar eftir er eflaust Ritsóðinn (Ritz-óðinn), líkt og nokkrir Twitterverjar hafa bent á, en það er nafnið sem Páll hefur notað um Helga í skrifum sínum. Pistlar hans heita nefnilega Ritsóðinn Helgi Seljan og svo Ritsóðinn Helgi Seljan II.
