Söngvarinn Friðrik Dór Jónsson opnar sig um svefnerfiðleika sem hann glímdi við í æsku. Hann segist hafa sofið upp í hjá foreldrum sínum þar til hann var tólf ára því hann sá alltaf ókunnugan karlmann í rúminu sínu.
Friðrik Dór segir frá þessu í hlaðvarpsþættinum Steve Dagskrá sem kom út í gær.
„[Maðurinn] lá alltaf við hliðin á mér með hatt niður í augun og strá í kjaftinum. Ég svaf upp í hjá mömmu og pabba þar til ég varð tólf ára. Þetta eyðilagði mig alveg gjörsamlega,“ segir Friðrik Dór.
„Þegar mamma var að reyna að laga þetta, þá setti hún dýnu á gólfið inni hjá mér og sagði: „Við gerum þetta núna svona og þú hættir þessu kjaftæði.“ Hún lá þarna, og ég hlýt að hafa verið eitthvað geðveikur á tíma. En svo opnaði ég augun, ég var búinn að þykjast vera sofandi í einhvern tíma, og varð skíthræddur. Mamma var orðin strengjabrúða. Ég er ekki að grínast. Ég var sannfærður um að hún væri orðin strengjabrúða,“ segir Friðrik Dór.
Þú getur hlustað á þáttinn í heild sinni hér að neðan.