Áhrifavaldurinn Sólrún Diego gekk að eiga sinn heittelskaða, Frans Veigar Garðarsson, við hátíðlega athöfn í dag. Þau Sólrún og Frans hafa verið saman um langt skeið og eiga tvö börn saman, drenginn Maron og dótturina Maísól.
Sjá einnig: Allt sem við vitum um brúðkaup Sólrúnar Diego.
Eftir athöfnina var blásið til veislu á Grand hótel þar sem hjónin stigu sinn fyrsta dans við Skál fyrir þér sem sjálfur Friðrik Dór spilaði fyrir brúðhjónin og veislugesti.
Meðal gesta var annar áhrifavaldur, Lína Birgitta, en hún mætti með nýja kærasta sinn upp á arminn. Sá heitir Elmar Örn Guðmundsson og er fyrrverandi framkvæmdastjóri Bauhaus og fyrrverandi aðstoðarframkvæmdarstjóri Costco.
Sjá einnig: Lína Birgitta komin á fast.
https://www.instagram.com/p/B1R_xRmBmQ5/
Áður hefur komið fram að Sólrún hafi bannað allar myndatökur í brúðkaupinu en það virðist ekki hafa náð til veislunnar þar sem fjölmargir gestir hafa deilt myndum af stuðinu á story á Instagram.
Fókus óskar nýgiftu hjónunum innilega til hamingju með daginn.
