Steindi Jr er fyrir löngu kominn í hóp okkar ástsælustu leikara og skemmtikrafta en nú hefur hann bætt við sig öðrum titli: Íslandsmeistari

Hann hefur alla sína ævi dreymt um að verða meistari í einhverju en hann hefur aldrei verið bestur í íþróttum né kunnað á hljóðfæri.

Steindi er þó orðinn íslandsmeistari á nokkurs konar hljóðfæri, luftgítarinn. Það er ekki allra að spila á luftgítarinn en Steindi getur stoltur sagt að hann sé sá allra besti á landinu.

Næst er það heimsmeistaramótið í Finnlandi í ágúst og við skulum rétt þora að vona að Steindi nái að uppfæra íslandsmeistaratitilinn í heimsmeistaratitil.

Steindi deildi mynd á Instagram-síðu sinni þar sem hann segir frá afrekinu.

View this post on Instagram

Elsku vinir. Alla mína ævi hefur mig dreymt að verða meistari í einhverju, en aldrei verið manna bestur í íþróttum og aldrei kunnað á hljóðfæri. En rétt í þessu var ég að vinna Íslandsmeistaratitilinn í Luftgítar og ég gæti ekki verið hamingjusamari. Mér líður eins og stórum kafla í lífi mínu hafi verið að ljúka en á sama tíma var annar að byrja. Ég elska ekkert meira en í heiminum en dóttur mína, en í gær var ég bara faðir. Í dag er ég faðir… og Íslandsmeistarinn í Luftgítar!! Eina orðið sem er til í huga mínum núna er þakklæti. Takk, elsku þjóð. Ég mun vera sómi okkar og skjöldur á heimsmeistaramótinu í Finnlandi í ágúst, og vonandi uppfæra draum minn um Íslandsmeistaratitil upp í heimsmeistaratitil! Rock on! 🤘 #airguitar #bucketlist #nationalchampion #worldchampion

A post shared by Steindi Jr. (@steindijr) on Jul 13, 2019 at 3:31pm PDT