Þriðjudagur 10.desember 2019
Fókus

Ferðamenn hissa að hestum sé slátrað á Íslandi: „Halda að Íslendingar hugsi langbest um dýrin“

Fókus
Mánudaginn 15. júlí 2019 11:58

Ekki missa af Helstu tíðindum dagsins í pósthólfið þitt

Lesa nánar

Vigga Þórðar og Birkir Steinn Erlingsson eru gestir vikunnar í Föstudagsþættinum Fókus. Þau eru tveir af stjórnendum Anonymous for the Voiceless á Íslandi, eða AV. AV eru dýraréttindasamtök og ganga út á að sýna fólki hvað gerist fyrir dýr í öllum iðnaðinn. Meðlimir AV eru með svo kallaða sannleikskubba þar sem sumir meðlimanna standa með skjái og grímur.

Sjá einnig: Vigga Þórðar og Birkir Steinn eru í AV: „Gengur út á að sýna fólki hvað gerist fyrir dýr í öllum iðnaði“

Myndböndin á skjánum

Í sannleikskubbanum halda aktívistar á sjónvarpsskjáum þar sem sjá má myndefni úr dýreldisiðnaði. Bæði íslenskt og erlent myndefni. Birkir Steinn segir að íslenska myndefnið komi gjarnan fólki á óvart, sérstaklega ferðamönnum.

„Ferðamenn halda mjög oft að Ísland sé land þar sem er hugsað lang best um dýrin af öllum stöðum, allir svo friðsælir. En þau komast að því að við erum að slátra hestum og verða mjög hissa,“ segir Birkir Steinn.

Guðrún Ósk ræddi við Birki Stein og Viggu Þórðar um AV Reykjavík. Mynd: Eyþór Árnason

Samtöl sem standa upp úr

„Það er eitt samtal sem ég man helst eftir, en það er langt síðan. Ég var að tala við stráka frá Bretlandi, hafa verið í kringum 18-20 ára. Þeir voru þrír og fyrst þegar þeir komu og gengu fram hjá spurðu þeir hvaða rugl þetta væri og sögðu að þetta virkaði ekki,“ segir Birkir Steinn og segist hafa byrjað að tala við strákana.

„Ég endaði í hálftíma löngum rökræðum við þá, mjög heitar rökræður. Ég er nú ekki oft í mjög heitum rökræðum en svona var það þarna. Svo endaði þetta þannig að við vorum ósammála og svo fóru þeir í burtu. Svo komu þeir aftur og fengu upplýsingarnar hjá mér, því ég sagði við þá að ef þeir myndu einhvern tíma vilja verða vegan ættu þeir að heyra í mér.“

Nokkrum vikum síðar fékk Birkir Steinn skemmtileg skilaboð. „Einn þeirra sendi á mig skilaboð og sagði mér að hann væri orðinn vegan,“ segir Birkir brosandi.

Þau rifja upp þegar hópur af nemendum gekk fram hjá þeim og gaf sig á tali við þau. „Þau komu eftir á og sögðu að sjö nemendur í bekknum væru orðnir vegan,“ segir Birkir Steinn.

„Auðvitað virkar þetta ekki á alla og þess vegna er alls konar aktívismi mikilvægur. En þetta virkar á ákveðinn hóp af fólki og þess vegna höldum við áfram. Til að ná því fólki. Hinir verða bara að ganga framhjá,“ segir Vigga Þórðar.

Horfðu á Föstudagsþáttinn Fókus í heild sinni hér að neðan. Þú getur einnig hlustað á hann á Spotify, Podcast og öllum helstu hlaðvarpsöppum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 3 dögum

Fimm gagnlegir hlutir fyrir frostbitna bílrúðu

Fimm gagnlegir hlutir fyrir frostbitna bílrúðu
Fókus
Fyrir 3 dögum

Spurning vikunnar – Hver er besta jólamyndin?

Spurning vikunnar – Hver er besta jólamyndin?
Fókus
Fyrir 5 dögum

Viktor fór með hálfa brennivínsflösku inn á Vog: „Þetta var allt eða ekkert“

Viktor fór með hálfa brennivínsflösku inn á Vog: „Þetta var allt eða ekkert“
Fókus
Fyrir 5 dögum

Sturla segir frá ógeðslegri lygi: „Hann fór síðan heim með stelpum“

Sturla segir frá ógeðslegri lygi: „Hann fór síðan heim með stelpum“