Knattspyrnukappinn Rúrik Gíslason og kærasta hans, brasilíska fyrirsætan Nathalia Soliani, njóta nú lífsins í Las Vegas, syndaborginni alræmdu í Bandaríkjunum.
Rúrik og Nathalia hafa verið dugleg að birta myndir af sér á Instagram í fríinu og fóru meðal annars á tónleika dívunnar Celine Dion. Var Nathalia mjög hrifin af tónleikunum, en Celine hefur skemmt í Las Vegas síðustu fimmtán árin og lýkur tónleikaröðinni þann 8. júní næstkomandi. Það fer því hver að verða síðastur að njóta Las Vegas-töfranna með dívunni.
Þá birtu Rúrik og Nathalia mynd á Instagram Story sem hefur vakið mikla athygli, þar sem þau sjást bæði í sundfötunum.
Rúrik og Nathalia opinberuðu samband sitt seint á síðasta ári og eru dugleg að láta vel af hvort öðru á samfélagsmiðlum.
