Franski plötusnúðurinn og pródúsentinn Petit Biscuit, eða Mehdi Benjelloun eins og hann heitir réttu nafni, er nú fluttur til Vestfjarða.
Biscuit er meðlimur indíe popp dúettsins Mount Dreams ásamt vini hans Romain Bauthier, sem þekktur er sem Luuul. Biscuit er af marókóskum og frönskum uppruna.
Biscuit gaf fyrsta lag sitt, Alone, út í maí árið 2015.
Og hver ætli ástæðan sé fyrir Íslandsdvölinni? Jú Biscuit ákvað að leigja á airbnb á Flateyri í mánuð á meðan hann vinnur að nýjustu plötu sinni. „Þetta var hugmynd sem ég fékk meðan ég var á tónlistarferðalagi um Bandaríkin. Ég áttaði mig á að ég er búin að ferðast mjög mikið, en sjá lítið annað en flugvelli og tónleikastaði,“ segir Biscuit á Instagram.
„Ég vildi fá innblástur með því að einangra mig og vera nálægt náttúrunni svo að ég kynni að meta hana eins og hún er.“
Fyrsta myndbandið frá Íslandsdvölinni má sjá hér fyrir neðan.
