Nú er fyrirtækið að framleiða kínverska hasarmynd en í myndinni verður lag sem sungið er af færeysku sönkonunni Kristinu Bærendsen. Kristina er ágætlega þekkt hér á landi en hún tók þátt í undankeppni Eurovision hér á landi fyrr á þessu ári með laginu Ég á mig sjálf. Lagið sem Kristina mun syngja í kvikmyndinni er samið af íslenska pródúsentinum Sveini Rúnari Sigurðssyni. Það er færeyski fjölmiðillinn Local sem greinir frá þessu.
Lagið var upphaflega samið með það í huga að það yrði sungið af kínverskum söngvara. Sveinn hafði þó unnið áður með Kristinu og fékk hana til að syngja inn á prufu af laginu. „Framleiðenddunum líkaði prufan og leikstjórinn vildi nota útgáfuna okkar af laginu,“ segir Kristina.
Myndin fjallar um kínverska stelpu sem hjálpar hópi af farþegum að komast niður Everest eftir að flugvélin þeirra brotlendir í fjallinu. Samkvæmt Kristinu þá passar lagið vel við söguþráð myndarinnar. „Lagið er fullt af orku, alveg eins og myndin,“ útskýrir Kristina.
Einnig kemur fram í frétt Local að fyrirtækið Warner Brothers hafi áhuga á áframhaldandi samstarfi við Kristinu.
