Kærasti vaxtaræktarkonunnar Söru Heimisdóttur, vöðvafjallið Chris Miller, birti á dögunum mynd á Instagram af þeim báðum og sagðist fastlega búast við því að hann fengi fá læk. Það reyndist ekki rétt en það vakti upp spurningu um það hvers vegna hann héldi það. Í skriflegu samtali við DV þá segir Sara að hatursfullir fylgjendur Rich heitins Piana, fyrrverandi eiginmanns Söru, séu enn að áreita hana.
Sjá einnig: Sara Heimis minnist Rich Piana
Piana lést árið 2017 en Sara og hann skildu árið áður. Piana var vinsæll í vöðvaheiminum og öfgafyllstu fylgjendur hans bjuggu til þá samsæriskenningu að Sara hafi komið að andláti hans. Svo virðist sem áreiti þeirra sé ekki hætt nú tveimur árum síðar.
Sjá einnig: Kærasti Söru Heimis hætt kominn eftir hjartaáfall – „Ég var mínútum frá því að missa hann“
Sara segir að Miller hafi tekið eftir því að Instagram-færslur þar sem hún var á mynd hafi fengið færri læk en aðrar. „Hann skrifaði þetta af því að í hvert skipti sem ég eða hann póstum myndum af okkur saman þá fáum við nánast engin like né neitt ásamt fullt af hatri en við sjáum i insights á IG að það sjá allir myndirnar en eru ekki að ýta á like. Acting like typical haters,“ lýsir Sara.
Hún segir Miller hafi því ákveðið að ögra þessu fólki. „Þannig hann ákvað að skrifa þetta því þetta er svo fáránlegt! Alveg ótrúlegt að fólk geti ekki samgleðst öðrum. Fólk er ennþá að gefa mér skít tengt Rich, segja að ég hafi drepið hann sem meikar ekki sens!! Fólk dæmir áður en það veit sannleikann,“ segir Sara.
Hún segist að lokum ætla að segja söguna alla í bók. „Ég veit að ég hef ekki deilt öllu með almenning ennþá en planið er að skrifa bók einn daginn til að segja mína sögu frá upphafi. Ég veit ég get hjálpað mörgum með að deila minni reynslu í lífinu. Hlakka til!!! Margt sem ég er að vinna í núna sem ég get ekki beðið eftir að deila með ykkur öllum.“
https://www.instagram.com/p/B2-Xu9DAO9_/
