Flestir eru sammála um að snjalltæki séu búin að hafa svakaleg áhrif á líf okkar, hvort sem það sé á vinnu, samskipti eða bara lestur og verslunarhætti okkar.
En mögulega eru þessi tæki ekki bara að breyta athöfnum okkar heldur líka líkömum.
Ný rannsókn sem gerð var af lífaflsfræðingum í Háskólanum við Sunshine Coast í Queensland-fylki, Ástralíu bendir til þess að ungt fólk sé að vinna með sér einskonar horn aftan úr höfuðkúpunum sínum. Frá þessu greinir The Washington Post.
Ástæðan fyrir þessum svokölluðu hornum er framhallandi líkamsstaða sem er orðin ansi algeng vegna snjallsímanotkunar. Þegar höfuðið hallar fram notast líkaminn frekar við vöðva aftan í höfðinu frekar en í bakinu sem veldur auknum beinvexti aftan í höfðinu.
Þessum áhugaverða beinvexti er hægt að líkja við sigg, þar að segja hvernig líkaminn eykur vöxt í samræmi við þrýsting eða hreyfingu. Beinvöxturinn myndar einskonar krók eða horn úr höfuðkúpunni sem er staðsettur beint fyrir aftan hálsinn.
Rannsakendur segja ástæðu Hornavaxtarins vera aukin notkun ungmenna á snjalltækjum, þá sérstaklega snjallsímum. Einn rannsakendanna sagði í viðtali að fyrirbrigðið væri merki um alvarlega afmyndun á líkamsstöðunni sem gæti ollið verkjum í höfði, hálsi og baki.
