Fjölmiðlamaðurinn Logi Bergmann Eiðsson segir frá því á Facebook-síðu sinni að heimilisköttur þeirra Svanhildar Hólm, Litlikisi, sé fundinn. Mál Litlakisa hefur vakið mikla athygli fjölmiðla síðustu vikur, en hann týndist fyrir rúmum mánuði síðan.

„Við fengum ábendingu um kött sem væri í Hliðunum og með fylgdi mynd af ketti sem var mjög líkur okkar manni í Drápuhlíðinni. Svanhildur rauk af stað. Stoppaði á horninu á og kallaði á hann. Hann kom hlaupandi eins og elding!“ skrifar Logi, en þau Svanhildur hafa leitað að kisanum vítt og breitt. Þau leituðu meira að segja utan borgarmarkanna.

„Hann var týndur í 35 daga. Við höfum leitað úti um allt og ég skrapp meira að segja á Selfoss til að leita að ketti sem var líkur honum,“ skrifar Logi, en nú er Litlikisi loksins kominn heim.

„Hann er horaður og soltið óöruggur en greinilega mjög glaður að vera kominn heim.“

Logi og Svanhildur þakka öllum sem hafa hjálpað til við að leita að högnanum.

„Takk þið öll sem hafið verið á vaktinni fyrir okkur. Það hefur verið meiriháttar á finna fyrir þessari hópsál sem kattaeigendur búa yfir. Svanhildur segist elska internetið! Og þið sem enn leitið að ykkar kisum: Ekki gefast upp!“

Við óskum fjölskyldunni innilega til hamingju með endurfundina.