Eins og DV sagði frá í gær er áhrifavaldurinn Patrekur Jaime í fjölskyldufríi á Benidorm, en lenti í miður skemmtilegri lífsreynslu þegar ráðist var á hann með hníf úti á götu.
Patrekur lætur árásina greinilega ekkert á sig fá og birti í gær ansi ögrandi mynd af sér í sjónum við strendur Benidorm.
„Nektarsund á Benidorm,“ skrifar Patrekur við myndina, en eins og sést hér fyrir neðan er hann allsnakinn í sjónum.
Búið er að líka við myndina rúmlega fjórtán hundruð sinnum þegar að þetta er skrifað og rignir athugasemdum inn þar sem fólk lýsir aðdáun sinni á limaburði Patreks.
„Heitari en sólin,“ skrifar einn fylgjandi og annar bætir við: „Held að þú átt Instagram núna.“ Þá eru einnig fjölmargir sem kalla Patrek heitan með tilheyrandi bros- og ástartjáknum.
