Menningartímaritið Reykjavík Grapevine afhenti tónlistarverðlaun sín í sjöunda sinn á föstudag á skemmtistaðnum Húrra. Sigurvegarar voru kynntir fyrirfram í nýjasta tölublaði Reykjavík Grapevine.
Kynnir kvöldsins var ástralski uppistandarinn Jonathan Duffy, JóiPé og Króli, Prins Póló, bagdad bræður og Gróa komu fram, en þau síðastnefndu eru nýliðar ársins.
Ólafur Arnalds hlaut titilinn listamaður ársins. JóiPé og Króli sigruðu vinsældarkosninu blaðsins. Prins Póló er með lag ársins, Líf Ertu Að Grínast og GDRN sigraði í flokki plötu ársins.
Sigurvegarar eru eftirfarandi:
Tónlistarmaður ársins: Ólafur Arnalds
Plata ársins: GDRN
Lag ársins: Prins Póló – Líf Ertu Ekki Að Grínast
Myndband ársins: Ayia – Slow
Besti lifandi flutningur ársins: bagdad brothers
Það sem þið ættuð að hafa heyrt: TSS – Moods
Nýliðar ársins: Gróa
Hvatningarverðlaun: Háskar og R6013
Í dómnefnd voru: John Rogers, Reykjavík Grapevine, Anna Ásthildur, Iceland Airwaves, Anna Gyða Sigurgísladóttir, dagskrágerðarkona, RÚV, Kevin Cole, KEXP Alexander Jean De Fontenay, blaðamaður og plötusnúður, og Steinar Fjeldsted, ritstjóri Albumm.is.
