Sigga Dögg kynfræðingur sagði frá því á Instagram í dag að hún væri hætt að ganga um í brjóstahaldara, en hún hafi áttað sig á hversu gott það væri eftir strandarferð á Spáni í sumar.

Í færslunni skrifar Sigga Dögg að hún hafi verið stödd á ströndinni á Tenerife og sundfötin eitthvað að valda henni óþægindum. Kona hafi gengið framhjá henni, ber að ofan og hafi Sigga Dögg í kjölfarið hugsað hvað í fjandanum hún væri að gera í lífinu.

„Þarf ég að bíða þar til verð gömul til að vera sátt í eigin líkama? Af því að ég er hrædd um að:
a) móðga einhvern með líkama mínum sem er ekki „sundfata-tilbúinn“
b) vera álitin kynvera af einhverjum (eða ekki)
c) vera líkamssmánuð
d) móðga fjölskyldu mína
eða
e) minna mig mig á að fallegu brjóstin sem ég var einu sinni hafa verið sogin í burtu og ekki hæf til sýnis

Ég valdi ekkert af þessu. Ekki það að ég hafi ekki sýnt á mér brjóstin áður, bæði við brjóstagjöf eða í partýum, þannig að þetta er ekkert mál fyrir mig.“

Keypti sundskýlu fyrir karlmann

„Ég hljóp í næstu búð og skoðaði sundskýlur. Fyrir menn. Það stóð á skiltinu: Fyrir menn. Ég fann þá ódýrustu og prófaði hana og viti menn, þær fóru yfir rassinn minn og magann og þær voru með vasa sem lokaðist! með rennilás meira að segja.“

Eftir þetta atvik ákvað Sigga Dögg að hætta að ganga um í brjóstahaldara alls staðar nema í íslenskum sundlaugum. „En fyrir daglegar athafnir og fara fínt út, þá mun ekkert halda aftur af brjóstunum mínum.“

„Geirvörtur móðga ekki fólk, fólk móðgar fólk. Frelsaðu geirvörtuna elskan – þú átt það skilið og það er fokking geggjað!“

https://www.instagram.com/p/BsX_oOHAmRS/