Sandra Lárusdóttir, eigandi Heilsu og útlit, brá sér í Costco í dag með innkaupalista og eins og oft vill gerast í búðum, endaði ýmislegt aukalega ofan í kerrunni sem ekki var á listanum.

Sandra hefur unnið hörðum höndum að því undanfarið að stækka stofuna og á morgun er opnunarpartý. Hún ákvað því að fara í Costco og kaupa osta fyrir veisluna.

„Þegar maður skreppur í búð til að kaupa nokkra osta og endar með arinn og hreindýr,“ segir Sandra, sem skellti arinn og nokkrum hreindýrum með í körfuna, sem munu skreyta stofuna. En eins og kunnugir Costco farar vita þá eru jólin byrjuð í verslunni að bandarískum sið.

„Allir eru velkomnir í opnunarpartýið,“ segir Sandra í samtali við DV, en það verður á morgun frá kl. 18.15-20.30 að Hlíðasmára 17, Kópavogi.