Margir kynnast eftir læk á Facebook og má segja að ‘læk‘ geti við sumar aðstæður jafngilt hinum gömlu góðu augngotum. Læk geta þar af leiðandi orðið að þrætuepli þegar annar aðilinn er stöðugt að læka myndir af einhverjum öðrum, – en telst það framhjáhald?
Sumir segja það borðleggjandi. Eiginmaður á ekkert erindi að setja læk við mynd af konu sem kona hans þekkir ekki.
Aðrir segja læk ekki vera neitt sem skipti máli. Læk séu einfaldlega kurteisi á samfélagsmiðlum. Það gæti verið að viðhorfið sé kynslóðabundið, er það líklegra að yngri kynslóðin sem eyðir myndum sem fá undir 200 lækum telji læk vera sjálfsagða kurteisi, en til að fullyrða slíkt þarf frekari rannsóknir.
Vienna Pharaon, ráðgjafi hjá Mindful Marriage & Family Therapy í New York, segir í samtali við NY Post að það fari eftir parinu hvaða reglur séu í gildi, það sem skipti mestu sé að allt sé uppi á borðum. Það er ekki s.s. ekki hollt að segja ekki neitt og fylgjast bara með makanum á Stalkscan.
„Opinberaðu þínar leynilegu væntingar. Það þarf að liggja fyrir hvað aðgerðir á samfélagsmiðlum hafa á báða aðilana í sambandinu, það er nauðsynlegt til að báðum líði vel,“ segir Pharaon.
„Það líður engum vel að vera í sambandi þar sem það þarf alltaf að hafa annað augað á hinum aðilanum.“
FÓKUS prófaði að stilla upp spurningu í Facebook hóp þar sem stelpur ræða ástarmál sín.
Spurningin var orðuð svona:
Er það ákveðin tegund af framhjáhaldi að læka myndir af fyrrverandi eða eh sætum stelpum/strákum í ræktinni og svo framvegis á FB og Insta?
122 hökuðu við valkostinn NEI en 109 svöruðu að slíkt væri ekki beint framhjáhald en ekki heldur gott fyrir sambandið.
Svo er það bara fyrir hvern og einn að finna út hvernig er heppilegast að hegða sér á samfélagsmiðlum, – vilji maður blómstrandi samband sem einkennist af öryggi og trausti.
