fbpx
Laugardagur 11.október 2025
Fókus

Skemmtilegt uppátæki á aðventu – Klæðast allar samstæðum jólakjólum

Ragna Gestsdóttir
Þriðjudaginn 18. desember 2018 10:00

Ekki missa af Helstu tíðindum dagsins í pósthólfið þitt

Lesa nánar

„Við gerðum bara eina risastóra pöntun, svolítið eins og verið væri að kaupa íþróttabúninga á stórt félag,“ segir Stella Rut Axelsdóttir, deildarstjóri sérkennslu í Nesskóla í Neskaupstað, um samstæða kjóla sem kvenkyns starfsmenn við skólann skarta á föstudögum í desember. Í viðtali við Austurfrétt segir hún frá hvernig þetta skemmtilega uppátæki kom til.

„Við erum stór kvennavinnustaður og erum nokkrar sem eigum auðvelt með að draga hina í allskonar sprell. Þetta var bara hugmynd sem kom upp, reyndar ekki hér innanhúss hjá okkur, heldur flutti ein úr hópnum suður og var þessi háttur viðhafður á hennar nýja vinnustað,“ segir Stella Rut, en kvenkyns starfsmenn við Nesskóla í Neskaupstað eru flestir í eins kjólum alla föstudaga á aðventunni í ár.

Kjólarnir voru pantaðir erlendis frá í janúar síðastliðnum og vígðir á öskudaginn. „Það eru nú kannski ekki allir himinlifandi með kjólana en fara þó í þá fyrir stemmninguna og samstöðuna. Nemendum þykir þetta mjög skemmtilegt, það er gaman að brjóta hversdaginn upp og þetta hefur haft bætandi áhrif á móralinn,“ segir Stella Rut og bætir því við að karlkyns starfsmenn við skólann séu á þessum dögum með jólabindi eða eitthvað sambærilegt.

Kjóla, hárspangir og eyrnalokka í stíl?
Stella Rut segir ýmsar hugmyndir á lofti um framhaldið. „Þetta var ódýrt og gleður. Við höfum rætt að kaupa jafnvel annað sett, svona til að eiga þegar nýjir starfsmenn byrja. Þegar við erum í svaka stuði dettur okkur stundum í hug að eiga mismunandi kjóla fyrir hvern föstudag á aðventunni, jafnvel að vera með hárspangir og eyrnalokka, allt í stíl,“ segir Stella Rut og hlær.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Eiríkur Hauks endurgerir Borgarinn

Eiríkur Hauks endurgerir Borgarinn
Fókus
Fyrir 2 dögum

Svona var hversdagurinn í miðborginni árið 1946 – Sjáðu myndbandið

Svona var hversdagurinn í miðborginni árið 1946 – Sjáðu myndbandið
Fókus
Fyrir 2 dögum

Gunnar Dan segir líklegt að geimverur séu að koma bráðum til jarðar – Birtir grunsamleg svör ChatGPT

Gunnar Dan segir líklegt að geimverur séu að koma bráðum til jarðar – Birtir grunsamleg svör ChatGPT
Fókus
Fyrir 2 dögum

Setningin sem Kristbjörg heyrði nýlega og hafði mikil áhrif á hana

Setningin sem Kristbjörg heyrði nýlega og hafði mikil áhrif á hana
Fókus
Fyrir 3 dögum

Stórleikarinn óþekkjanlegur á tökustað nýrrar kvikmyndar

Stórleikarinn óþekkjanlegur á tökustað nýrrar kvikmyndar
Fókus
Fyrir 3 dögum

Sonur Esterar lenti í klóm sértrúarsafnaðar – Kom mjög vannærður og blankur heim

Sonur Esterar lenti í klóm sértrúarsafnaðar – Kom mjög vannærður og blankur heim