Heimili Caitlyn Jenner brann í gær í skógareldunum sem geisa nú í Kalforníu í Bandaríkjunum.

Jenner segir í samtali við US Weekly að hún sjálf sé í öruggu skjóli, en viti ekki um ástand hússins. Síðar póstaði hún myndbandi á Instagram þar sem hún segir að enn viti hún ekki um ástand hússins.

https://www.instagram.com/p/Bp-nLNaBZ1S/

Olympíuhafinn keypti húsið árið 2015 eftir skilnað við Kris Jenner. Húsið er 325 fm og fjögurra herbergja og keypti Jenner það fyrir 4 milljón dollara. Sundlaug og bílskúr fyrir þrjá bíla fylgir eigninni, þar sem Jenner geymir sportbíla sína. Eignin er sú fyrsta sem Jenner kaupir ein og í raunveruleikaþáttum hennar hefur húsið margoft sést.

Íbúðareigendum í Malibu var gert að yfirgefa hús sín á föstudag og er Kardashian fjölskyldan á meðal þeirra, en Kim tvítaði á föstudag að hún væri örugg með börn sín þrjú og þakkaði hún um leið slökkviliðsmönnum, „sem leggja líf sitt í hættu fyrir okkur.“