Upp er runninn fimmtudagur til frama, eins og máltækið segir. Og af því tilefni byrjum við með nýjan vikulegan lið: Kettir vikunnar.
Í fyrstu greininni er þó bara einn köttur, enda viljum við ábendingar frá ykkur lesendur góðir um skemmtilega, skrýtna, stórkostlega ketti til að hafa í þessum vikulega lið.
Sóley Veturliðadóttir tók þessa mynd af dóttur sinni og kettinum þeirra. Dóttirin Margrét Inga verður 17 ára eftir viku og kisi heitir Nebbi og er þriggja mánaða.
„,Ég get alveg hjálpað þér með stærðfræðina!,“ gæti Nebbi verið að segja þar sem hann tyllir sér á miðja stílabókina.
„Hann eltir hana um allt, sefur upp í hjá henni og bíður eftir henni ef hún fer í sturtu og mjálmar þar til hún kemur aftur. Hún er að glíma við veikindi og það gefur henni ótrúlega mikið að hafa félagsskap hans og eldri kisunnar okkar líka, sem er 3 ára. Svo erum við líka með 9 ára tík og þetta eru allt bestu vinir Margrétar Ingu,“ segir Sóley.
Já dýrin eru svo sannarlega skemmtileg og góðir vinir.
Átt þú kött sem ætti heima í Kettir vikunnar? sendu okkur mynd og/eða myndband ásamt upplýsingum um hann á fokus@dv.is.
