62 bloggarar munu skrifa blog um bók Lilju Sigurðardóttur, Trap, eða tveir á dag í október.

„Eitt af því sem breski útgefandinn minn gerir er að skipuleggja bloggtúra fyrir nýjar bækur. Nú í október er bloggtúr fyrir Trap, sem er Netið á ensku, og því skrifa tveir bloggarar um bókina á hverjum degi allan mánuðinn,“ segir Lilja, sem bætir við að þetta sé frábær kynning gagnvart breskum lesendum og gagnrýnin almennt uppbyggileg svo þegar hún kemur fram geti hún lært af henni.

„En ég hef verið einstaklega heppin með dóma bæði í bloggi og blöðum ytra og er innilega þakklát fyrir þau góðu viðbrögð. Það er óneitanlega spennandi að vakna á morgnana nú í október.“

Trap er ensk útgáfa bókarinnar Netið, sem kom út árið 2016. Bókin er önnur bókin í æsispennandi þríleik Lilju um eiturlyfjasmygl, efnahagsglæpi og eldheita ást í Reykjavík samtímans.

Bloggin sem komin eru má finna hér:
https://varietats2010.blogspot.com/

https://hookedfrompageoneblog.wordpress.com/

https://keeperofpages.wordpress.com/

http://portablemagic.net/blog-tours.html

https://mmcheryl.wordpress.com/