Prentvillupúkinn skemmtir sér víða og í dagskrá Jazzhátíðar Reykjavíkur sem fram fer dagana 5. – 9. september næstkomandi hefur hann komið sér makindalega fyrir á bls. 10.

Þar eru auglýstir tónleikar Katrínar Halldóru & Arctic Swing 5tet sem fram fara á Grand hótel á laugardaginn kl. 13.

Athugulir lesendur sjá að í stað söngkonunnar ástsælu Ellýjar Vilhjálmsdóttur, er komin nafna hennar Ellý Ármanns, sem er þekkt fyrir allt annað en söng (reyndar veit blaðamaður ekki hvort hún heldur lagi). Ellý Ármanns hefur hins vegar getið sér gott orð í fjölmiðlum, auk þess sem hún málar myndir af gríð og erg og er byrjuð að kenna líkamsrækt í Reebok fitness.

Það er þó engu um það logið að leikkonan Katrín Halldóra sló og slær enn eftirminnilega í gegn í hlutverki sínu sem Ellý dóttir Vilhjálms.