fbpx
Miðvikudagur 28.febrúar 2024

Að skauta framhjá merg málsins

Ritstjórn Eyjunnar
Mánudaginn 19. nóvember 2018 15:49

Ekki missa af Helstu tíðindum dagsins í pósthólfið þitt

Lesa nánar

Orðið á götunni er að grátlegt sé hvernig Reykjavíkurborg nái að klúðra málum sem fyrirfram gætu talist ansi jákvæð og góð, borgarbúum til heilla. Allir vita um braggamálið, en fæstir hefðu veðjað á að sala Reykjavíkurborgar á Alliance húsinu yrði tilefni til gagnrýni. Enda græddi borgin rúmar 600 milljónir á sölu hússins og byggingarrétti á lóðinni nýverið. Það er rúmlega einn braggi eða svo.

Hinsvegar ber að hrósa þegar innistæða er fyrir því og því ber að hrósa aðkomu borgarinnar að Alliance verkefninu í heild sinni. Húsið er fallegt og nýtur sín vel, ólíkt mörgum öðrum byggingum í miðborginni. Hvort kjósendur líti svo á að það jafni út kostnaðinn við braggann er svo annað mál.

Hinsvegar var greint frá því í dag að leigjendur Alliance hússins við Grandagarð 2, hafi aðeins greitt 15 þúsund krónur á mánuði í leigu frá árinu 2012. Það er langt undir meðalleigu á því svæði og þó víðar væri leitað. Einn leigjanda í húsinu var dóttir Hrólfs Jónssonar, þáverandi skrifstofustjóra eigna- og atvinnuþróunar Reykjavíkurborgar, sem gerði leigusamningana fyrir hönd borgarinnar. Það telst varla góð stjórnsýsla.

Nokkur munur er á hvernig borgarfulltrúar hafa tekið í þessi tíðindi. Vigdís Hauksdóttir, Miðflokki, gagnrýnir þetta harðlega og segir borgina „gefa“ frá sér takmarkaða auðlind og fullyrðir að fólk muni verða alveg „brjálað“ þegar það heyrir að fólk hafi fengið að leigja húsið af Reykjavíkurborg á þessum spottprís.

Kristín Soffía Jónsdóttir, borgarfulltrúi Samfylkingarinnar, tekur hinsvegar annan pól í hæðina á Twitter. Hún segir það „magnað“ að í fréttaflutningi af málinu, skuli hafa verið „skautað framhjá“ hagnaðinum við sölu hússins.

Minnist Kristín ekkert á leigusamningagerðina. Má segja að hún hafi hreinlega „skautað framhjá“ henni. Það er magnað.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

433Sport
Fyrir 3 klukkutímum

Sjáðu myndina: Á brjóstunum til að auglýsa barnabók sína – Eyddi henni eftir mörg ljót skilaboð

Sjáðu myndina: Á brjóstunum til að auglýsa barnabók sína – Eyddi henni eftir mörg ljót skilaboð
Fréttir
Fyrir 3 klukkutímum

Árni Tómas segir sprautufíklana hans líða vítiskvalir

Árni Tómas segir sprautufíklana hans líða vítiskvalir
433Sport
Fyrir 4 klukkutímum

Forseti Barcelona grátbiður Xavi um að hætta við að hætta

Forseti Barcelona grátbiður Xavi um að hætta við að hætta
Fókus
Fyrir 4 klukkutímum

Fékk áfall þegar hún fór í gegnum tölvu látins eiginmanns síns – „Ég áttaði mig á því að ég þekkti hann aldrei“

Fékk áfall þegar hún fór í gegnum tölvu látins eiginmanns síns – „Ég áttaði mig á því að ég þekkti hann aldrei“
Fókus
Fyrir 7 klukkutímum

Nýjar upplýsingar um heilsuástand Katrínar eftir að Vilhjálmur þurfti skyndilega að aflýsa komu sinni á viðburð

Nýjar upplýsingar um heilsuástand Katrínar eftir að Vilhjálmur þurfti skyndilega að aflýsa komu sinni á viðburð
Eyjan
Fyrir 7 klukkutímum

Þessum stofnunum treysta landsmenn best

Þessum stofnunum treysta landsmenn best