fbpx
Laugardagur 02.mars 2024
Eyjan

Réðu vin bæjarstjórans í góða stöðu hjá Garðabæ – „Þessi ákvörðun skapar vantraust frá fyrsta degi“

Kristinn H. Guðnason
Sunnudaginn 4. febrúar 2024 12:00

Almar steig til hliðar en Björg lagði fram tillöguna.

Ekki missa af Helstu tíðindum dagsins í pósthólfið þitt

Lesa nánar

Lúðvík Örn Steinarsson var í vikunni ráðinn sviðsstjóri fjármála og stjórnsýslusviðs Garðabæjar. Fulltrúar minnihlutans eru æfir yfir þessu enda er Lúðvík vinur Almars Guðmundssonar bæjarstjóra og er innmúraður Sjálfstæðismaður sem hefur tengt trúnaðarstörfum fyrir flokkinn.

„Þetta er mjög alvarlegt,“ segir Sara Dögg Svanhildardóttir, oddviti Viðreisnar í bæjarstjórn Garðabæjar. En hún og fulltrúar Garðabæjarslistans og Framsóknarflokksins lögðust gegn ráðningu Lúðvíks á bæjarstjórnarfundi á fimmtudag. Ekki er sérlega algengt að fulltrúar minnihluta leggist beinlínis gegn ráðningu sem þessari, frekar að þeir sitji hjá.

„Þessi ákvörðun skapar vantraust frá fyrsta degi. Þetta er aðaltrúnaðarmaður kjörinna fulltrúa. Þetta er sá aðili sem við eigum að hafa aðgang að til upplýsa okkur um trúnaðargögn og ýmislegt annað. Þetta er maðurinn sem við eigum að treysta. Hann heldur líka utan um alla stjórnsýslu sveitarfélagsins þannig að íbúar þurfa að geta treyst því að þarna sé manneskja sem sé hafin yfir allan pólitískan vafa,“ segir Sara.

Vinur og kosningastjóri

Lúðvík hefur gegnt trúnaðarstörfum fyrir Sjálfstæðisflokkinn, svo sem sem formaður fulltrúaráðs í Garðabæ og setið í nefndum. Þá hefur hann haldið utan um prófkjör og kosningabaráttu flokksins.

Vegna vináttu sinnar við Lúðvík lýsti Almar Guðmundsson bæjarstjóri sig vanhæfan til að sjá um ráðningarferlið og tók Björg Fenger, formaður bæjarráðs, við því kefli. Hún sat síðasta ráðningarviðtalið og tók við tillögu ráðningarteymis um hvaða tveir einstaklingar væru hæfastir. Ekki hefur verið opinberað hver hinn einstaklingurinn var en Björg bar tillögu um að ráða Lúðvík á fimmtudag og var hún samþykkt með atkvæðum Sjálfstæðismanna.

„Ég vissi að hann væri á þessum lista en grunaði ekki að hann yrði metinn einn af hæfustu umsækjendunum. Það hafði aldrei hvarflað að mér. Hann er ekki með neina einustu reynslu af því að starfa innan stjórnsýslunnar. Sem gerir þetta enn skrýtnara,“ segir Sara. Þetta sé staða sem þurfi að vera yfir allan vafa hvað varðar pólitísk tengsl eða aðkomu. Ábyrgðin sé að miklu leyti Bjargar, sem hafi lagt fram tillöguna án þess að flagga eigin tengslum.

Hafi mikla reynslu

Ekki náðist í Björgu Fenger en hún gerði grein fyrir ráðningunni á fimmtudag. Þar lét hún bóka:

„Lúðvík Örn hefur lokið kandídatsprófi frá Háskóla Íslands og málflutningsleyfi sem hæstaréttarlögmaður. Lúðvík Örn hefur rekið eigin lögmannsstofu frá árinu 1996. Hann hefur áratuga reynslu af stjórnarstörfum, hefur gegnt stjórnarformennsku og komið þar m.a. að endurskipulagningu stórra fyrirtækja. Hann hefur langa reynslu af samningagerð, lestri ársreikninga og framkvæmd greininga á rekstri. Sem lögmaður hefur Lúðvík Örn rekið stjórnsýslumál, hann hefur setið í stjórnum opinberra sjóða, gegnt stjórnarformennsku í stjórn Tryggingasjóðs og sinnt trúnaðarstörfum í nefndum fyrir sveitarfélag. Þá hefur Lúðvík Örn reynslu af stefnumótun og innleiðingu stefnu úr störfum sínum sem framkvæmdastjóri lögmannsstofu og sem stjórnarmaður.“

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Líkamsræktin meira en helmingi ódýrari á Íslandi en í nágrannalöndunum, segir Ágústa Johnson

Líkamsræktin meira en helmingi ódýrari á Íslandi en í nágrannalöndunum, segir Ágústa Johnson
Eyjan
Fyrir 2 dögum

Ástþór spyr hvort Davíð stýri hópi drukkinna unglinga

Ástþór spyr hvort Davíð stýri hópi drukkinna unglinga
Eyjan
Fyrir 4 dögum

Ágústa Johnson: Íslendingar ein feitasta þjóð í heimi þrátt fyrir að vera hvað duglegastir að mæta í ræktina

Ágústa Johnson: Íslendingar ein feitasta þjóð í heimi þrátt fyrir að vera hvað duglegastir að mæta í ræktina
Eyjan
Fyrir 4 dögum

Orðið á götunni: Sigurstranglegur forsetaframbjóðandi stígur brátt fram

Orðið á götunni: Sigurstranglegur forsetaframbjóðandi stígur brátt fram
Eyjan
Fyrir 6 dögum

Ágústa Johnson: Við eigum bara einn skrokk – „Use it or lose it!“

Ágústa Johnson: Við eigum bara einn skrokk – „Use it or lose it!“
EyjanFastir pennar
Fyrir 6 dögum

Óttar Guðmundsson skrifar: Netverjar með hugsjón

Óttar Guðmundsson skrifar: Netverjar með hugsjón
Eyjan
Fyrir 1 viku

Ætlunarverkið tókst – engu hróflað og kvótagreifar græða sem aldrei fyrr

Ætlunarverkið tókst – engu hróflað og kvótagreifar græða sem aldrei fyrr
EyjanFastir pennar
Fyrir 1 viku

Steingerður Steinarsdóttir skrifar: Óttinn við að eiga ekki nóg

Steingerður Steinarsdóttir skrifar: Óttinn við að eiga ekki nóg