fbpx
Miðvikudagur 18.september 2019  |
Eyjan

Svona verða stúdentaíbúðirnar við Gamla Garð – Notast við tillögu sem varð í 2. sæti

Ritstjórn Eyjunnar
Föstudaginn 23. ágúst 2019 15:00

Tölvueikning Andrýmis

Ekki missa af Helstu tíðindum dagsins í pósthólfið þitt

Lesa nánar

 Stúdentaíbúðir munu rísa á lóð Háskóla Íslands við Gamla Garð samkvæmt breyttu deiliskipulagi sem borgarráð samþykkti í gær. Íbúðirnar verða byggðar samkvæmt deiliskipulagstillögu Andrúms arkitekta. Í breytingunni felst að stúdentaíbúðum verður fjölgað á háskólasvæðinu með stækkun á Gamla Garði með viðbyggingu og hugsanlegri nýtingu byggingarinnar Stapa fyrir stúdentaíbúðir, segir á vef Reykjavíkurborgar.

Athygli vekur að tillaga Andrýmis lenti í öðru sæti í hugmyndasamkeppninni um deiliskipulagið á reitnum, en verður samt fyrir valinu.

Hún þykir henta betur en tillagan sem lenti í fyrsta sæti en Minjastofnun Íslands og fleiri gerðu athugasemdir við hana vegna þess að hún þótti skyggja um of á byggingar á svæðinu og raska götumynd Hringbrautar þegar litið er til vesturs.

Stúdentaíbúðirnar rísa á reit á horni Suðurgötu og Hringbrautar og afmarkast af þeim götum til norðurs og austurs og af Sæmundargötu til suðurs og vesturs. Lóðin er á eignarlandi Háskóla Íslands.

Verklok áætluð 2021

Áformað er að reisa viðbyggingu við Gamla Garð, þrjár hæðir og kjallara, sem tengist suðurgafli núverandi húss. Við það verður til nýr aðalinngangur að sameinuðum Gamla Garði og viðbyggingu frá Sæmundargötu eða Skeifunni svokölluðu.  Gert er ráð fyrir að í viðbyggingunni verði 70 ný stúdentaherbergi ásamt sameiginlegum eldhúsum, samkomurýmum og geymslum.

Heildarstærð nýbyggingarinnar sem mun rísa á reitnum verður að hámarki 2.800 fermetrar ofanjarðar.

Samkvæmt upplýsingum frá Stúdentagörðum er hönnun komin vel á veg. Vonast er til að framkvæmdir geti hafist um næstu áramót. Gert er ráð fyrir að verklok verði síðsumars 2021.

Stúdentagarðar eru að byggja 244 íbúðir á horni Sæmundargötu og Eggertsgötu og er reiknað með verklokum þar um áramót.

Í tillögu Andrúms arkitekta að viðbyggingunni er lagt upp með að hún falli vel að núverandi byggingum á háskólasvæðinu en Gamli Garður var á sínum tíma teiknaður af Sigurði Guðmundssyni arkitekt. Dregið er til muna úr umfangi byggingarmagnsins þannig að byggingar sem eru fyrir á svæðinu njóta sín áfram.

Í greinargerð Andrúms segir:

„Í því sambandi skiptir mestu að álmurnar tvær með herbergjum nemenda liggja samsíða meginálmum Gamla Garðs og Þjóðminjasafnsins og styrkja með því þá formheild og hrynjandi sem einkennir þessar tvær byggingar í götumynd Hringbrautar.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 20 klukkutímum

Dómsmálaráðherra vill breytingar hjá lögreglunni – Aukin hagkvæmni og minni yfirstjórn

Dómsmálaráðherra vill breytingar hjá lögreglunni – Aukin hagkvæmni og minni yfirstjórn
Eyjan
Í gær

Fossinn Dynjandi millifærður í ríkisbókhaldinu – „Hver gefur hverjum hvað? Eigum við ekki Rarik? Þjóðin?“

Fossinn Dynjandi millifærður í ríkisbókhaldinu – „Hver gefur hverjum hvað? Eigum við ekki Rarik? Þjóðin?“
Eyjan
Í gær

Segir útreikning fæðingarorlofshækkunar ganga gegn kynjajafnrétti: „Segjum bara 870 þús­und slétt“

Segir útreikning fæðingarorlofshækkunar ganga gegn kynjajafnrétti: „Segjum bara 870 þús­und slétt“
Eyjan
Í gær

Svona vill Gunnar leysa umferðarhnútinn í Reykjavík: „Ættum að geta lifað við þetta“

Svona vill Gunnar leysa umferðarhnútinn í Reykjavík: „Ættum að geta lifað við þetta“
Eyjan
Í gær

Eyþór Arnalds: „ Fuck you, I won´t do what you tell me“

Eyþór Arnalds: „ Fuck you, I won´t do what you tell me“
Eyjan
Í gær

Eftirlitsstofnanir ríkisins þenjast út – Vaxandi útgjöld ár eftir ár

Eftirlitsstofnanir ríkisins þenjast út – Vaxandi útgjöld ár eftir ár