fbpx
Miðvikudagur 18.september 2019  |
Eyjan

Þórir er reiður út í Reykjavíkurborg: „Veitingastaðirnir eru að flýja miðbæinn og af góðri ástæðu“

Ritstjórn Eyjunnar
Fimmtudaginn 22. ágúst 2019 09:15

Þórir Gunnarsson - Mynd- Skjáskot af Facebook

Ekki missa af Helstu tíðindum dagsins í pósthólfið þitt

Lesa nánar

„Borgaryfirvöld hafa verið að hamast við það að brjóta niður aðgengi að miðbænum. Borgarlínan er góð og gild í mínum huga en það er ekki hægt að byrja fyrst á því að fjarlægja bílastæði og ætla að bæta aðgengið síðar meir. Veitingastaðirnir eru að flýja miðbæinn og af góðri ástæðu,“

segir Þórir Gunnarsson, margreyndur matreiðslu- og veitingamaður og eigandi atvinnuhúsnæðis í miðbænum í Fréttablaðinu í dag.

Ekki rétt gefið hjá Reykjavíkurborg

Þórir hefur starfað í bransanum í hálfa öld og er ósáttur við að Reykjavíkurborg hafi skert aðgengi að miðbænum með fækkun bílastæða, sem hafi þyngt róðurinn í rekstri veitingastaða. Hann segir stefnu Reykjavíkurborgar grafa undan veitingarekstri og nefnir að veitingastaðir og matarvagnar búi við ólík og ójöfn skilyrði þegar kemur að innheimtu gjalda en samt sé verðlagið svipað á matnum, þó svo mun meiri fjárfesting liggi að baki veitingastöðunum. Hann segir að ekki sé rétt gefið hjá Reykjavíkurborg:

„Ef þú ert með stöðuleyfi við Arnarhól þá borgarðu 208 þúsund fyrir árið á meðan fasteignagjöld af þessum tveimur litlu plássum hérna niðri í okkar byggingu eru 5 milljónir á ári. Þessi gjöld greiðir leigjandinn gegnum hærra leiguverð. Auk þess getur kostað tugi milljóna að opna nýjan veitingastað en matarvagnarnir kosta á bilinu 1-2 milljónir króna. Kofarnir bera enga skyldu gagnvart neinum og geta farið þegar þeim hentar en þeir eru í beinni samkeppni við veitingastaðina sem eru að þjónusta fólk allt árið. Til dæmis, þegar matarmarkaður stóð yfir á Geirsgötunni fyrir um 3-4 vikum þá hlupu gestirnir yfir götuna til að nota klósettaðstöðu veitingastaðanna sem eru í byggingunni okkar og fleiri nærliggjandi staða. Síðan er verðlagið hjá þeim ekkert lægra en hjá veitingastöðum þrátt fyrir að það sé reginmunur á undirbúningnum, fjárfestingunni og leyfisveitingarferlinu. Það er ekki rétt gefið.“

Ólíkt því sem var

Þórir minnist þess þegar launatengd gjöld voru undir 50 prósentum:

„Þegar ég byrjaði fyrst að starfa á veitingahúsi árið 1962 var þumalputtareglan þessi: 25-30 prósent af tekjum fara í laun, 30 prósent í hráefni, síðan er annar kostnaður eins og leiga en þú áttir alltaf 10-12 prósent eftir. Eins og staðan er í dag eru laun og launatengd gjöld komin upp úr öllu valdi. Þegar launahlutfallið er farið yfir 50 prósent þá gengur dæmið ekki upp og staðirnir fara á hausinn.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 21 klukkutímum

Dómsmálaráðherra vill breytingar hjá lögreglunni – Aukin hagkvæmni og minni yfirstjórn

Dómsmálaráðherra vill breytingar hjá lögreglunni – Aukin hagkvæmni og minni yfirstjórn
Eyjan
Í gær

Fossinn Dynjandi millifærður í ríkisbókhaldinu – „Hver gefur hverjum hvað? Eigum við ekki Rarik? Þjóðin?“

Fossinn Dynjandi millifærður í ríkisbókhaldinu – „Hver gefur hverjum hvað? Eigum við ekki Rarik? Þjóðin?“
Eyjan
Í gær

Segir útreikning fæðingarorlofshækkunar ganga gegn kynjajafnrétti: „Segjum bara 870 þús­und slétt“

Segir útreikning fæðingarorlofshækkunar ganga gegn kynjajafnrétti: „Segjum bara 870 þús­und slétt“
Eyjan
Í gær

Svona vill Gunnar leysa umferðarhnútinn í Reykjavík: „Ættum að geta lifað við þetta“

Svona vill Gunnar leysa umferðarhnútinn í Reykjavík: „Ættum að geta lifað við þetta“
Eyjan
Í gær

Eyþór Arnalds: „ Fuck you, I won´t do what you tell me“

Eyþór Arnalds: „ Fuck you, I won´t do what you tell me“
Eyjan
Í gær

Eftirlitsstofnanir ríkisins þenjast út – Vaxandi útgjöld ár eftir ár

Eftirlitsstofnanir ríkisins þenjast út – Vaxandi útgjöld ár eftir ár