Sunnudagur 29.mars 2020
Bleikt

Myndin sem nístir í hjartastað – Svona lítur hún út í dag

Ritstjórn Bleikt
Föstudaginn 29. nóvember 2019 09:55

Ekki missa af Helstu tíðindum dagsins í pósthólfið þitt

Lesa nánar

Sophia Soto var aðeins 14 mánaða gömul þegar hún greindist með krabbamein. Í dag er hún sex ára og hamingjusöm, hraust stúlka.

Móðir hennar ákvað að deila mynd af henni þegar hún var í krabbameinsmeðferð til að vekja athygli á krabbameini í börnum.

Myndin alveg nístir í hjartastað og er sársaukinn í augum Sophiu bersýnilegur. En sem betur fer hefur sjúkdómurinn verið í rénun (e. remission) undanfarin fimm ár og Sophia verið lyfjalaus síðustu tvö ár.

Myndin af Sophiu.

„Myndin af Sophiu í uppnámi lýsir því mjög vel hvernig það er að vera barn með krabbamein,“ segir móðir hennar, Rosie Soto við News.au.

„Það var verið að setja leiðslu í bringuna hennar fyrir meðferð, sem hún vildi ekki og þess vegna var hún í svona miklu uppnámi,“ segir hún.

„Ég horfi á þessa mynd og velti því fyrir mér hvernig ég fór að þessu, það var svo erfitt að sjá litla barnið mitt svona veikt.“

Marblettir í augum

Rosie byrjaði að hafa áhyggjur af heilsu Sophiu þegar hún var sífellt að fá marbletti í kringum augun, en móðir hennar mundi ekki eftir því að hún hafði dottið.

„Ég skildi ekki hvaðan marblettirnir komu. Ég fór með hana til læknis því marið fór ekki en læknarnir sögðu að hún hlyti að hafa dottið. Sophia var ekki sett í skanna né tekið sýni úr henni fyrr en við fórum til augnlæknis sem sá það strax að þetta væri vegna æxlis,“ segir Rosie.

Það kom í ljós að Sophia var með æxli á bakvið augun og einnig á öðru nýranu.

Eftir að hafa verið greind í mars 2014 fór Sophia, þá 14 mánaða, í gegnum strangt sex mánaða ferli af lyfja- og geislameðferð. Hún er ekki skilgreind sem „krabbameinslaus“ en hefur verið án lyfja síðustu tvö árin.

„Enginn, sem sér hana núna, gæti ímyndað sér hvað hún hefur þurft að ganga í gegnum. Hún lítur bara út eins og venjulegt barn,“ segir Rosie.

„Stundum spyr Sophia út í tímann sem hún var veik og um örin sín. En annars er hún mjög hamingjusamt barn. Ef ég ætti að segja eitthvað við foreldra krabbameinssjúkra barna, þá er það að gefast ekki upp, vera jákvæður og halda í trúna.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 4 dögum

Jóhann er með skothelt ráð fyrir pör sem eru alveg að fara að sturlast vegna of mikillar samveru

Jóhann er með skothelt ráð fyrir pör sem eru alveg að fara að sturlast vegna of mikillar samveru
Bleikt
Fyrir 5 dögum

Átakanleg mynd sem sýnir börn heimsækja ömmu sína og afa á tímum COVID-19

Átakanleg mynd sem sýnir börn heimsækja ömmu sína og afa á tímum COVID-19
Bleikt
Fyrir 1 viku

Telma útbjó heimaæfingu sem hefur slegið í gegn – Þessa verða allir að prófa

Telma útbjó heimaæfingu sem hefur slegið í gegn – Þessa verða allir að prófa
Bleikt
Fyrir 1 viku

Stærsti fílapensill sem við höfum séð – Myndbandið sem aðdáendur bólulæknisins dreymir um

Stærsti fílapensill sem við höfum séð – Myndbandið sem aðdáendur bólulæknisins dreymir um

Tarot Spil

Veldu þér spil og sjáðu spádóm þinn.