Leiðin að markinu hefur verið fyrirfram ákveðin og þú án efa í startholunum að takast á við framhaldið.  Talan þrír ýtir undir heppni þína sem tengist verkefni einhverskonar á sama tíma og þér er ráðlagt að halda fast í drauma þína og óskir um að allt fari eins og plön þín segja til um.

Þú ættir að gefa og þiggja til þess eins að halda auði og allsnægtum, eða hverjum þeim gæðum sem þér finnast erftirsóknarverð í tilverunni.

Þér finnst þú ef til vill standa í sömu sporum og þú gerðir fyrir mánuði en svo er þó ekki.  Lífsreynsla þín er einum mánuði lengri og þess vegna ertu meðvitaðri en þú hefur áður verið.

Ekki missa kjarkinn og alls ekki gera lítið úr áreynslu þinni og mundu að því meira sem þú leggur á þig meðvitað því hraðar þroskast þú.

Umrætt  verkefni fer vel af stað en nokkur bið verður á þar til draumar þínir verða að veruleika.

© Ellý Ármanns – Vellíðan