Frankfurt vill 86 milljónir punda fyrir Hugo Ekitike í sumar, samkvæmt þýska blaðinu Bild.

Þessi 22 ára gamli framherji er afar eftirsóttur og hefur hann til að mynda verið orðaður við Arsenal og Manchester United, sem bæði eru á höttunum eftir framherja í sumar.

Það er þó spurning hvort félögin séu til í að ganga að þessum verðmiða Frankfurt.

Ekitike gekk í raðir Frankfurt frá Paris Saint-Germain síðasta sumar, en hann var þar áður á láni hjá þýska félaginu.

Frakkinn er þá samningsbundinn Frankfurt til 2029 og getur félagið því leyft sér að heimta háa upphæð fyrir hann.