Giorgi Mamardahsvili er sagður hafa útskýrt það af hverju hann er ekki að spila með enska félaginu Liverpool í dag.
Spænskir miðlar greina frá því að Mamardashvili hafi rætt við Ferran Torres á dögunum eftir 7-1 tap Valencia gegn Barcelona.
Mamardashvili er leikmaður Valencia og Torres spilar þá með Barcelona en sá fyrrnefndi átti ekki sinn besta leik.
Liverpool er búið að tryggja sér þjónustu georgíska leikmannsins en hann var lánaður aftur til Valencia fyrir tímabilið.
Torrres spurði einfaldlega: ‘Af hverju fórstu ekki til Liverpool fyrir þetta tímabil?’
Mamardashvili svaraði og sagði: ‘Alisson.’ Torres þakkaði markmanninum í kjölfarið fyrir stutt og gott samtal.
Alisson hefur lengi verið aðalmarkvörður Liverpool en hvort hann verði á milli stanganna næsta vetur er óljóst.
