Arne Slot, stjóri Liverpool, hefur tjáð sig um vængmanninn Federico Chiesa sem kom til félagsins í sumar.

Slot hefur gefið Chiesa fá tækifæri á tímabilinu en hann kom til Englands frá Juventus í sumar og var þá að glíma við meiðsli.

Chiesa vill ekki fara frá Liverpool í janúar og vonast eftir tækifærum sem er möguleiki að sögn Slot.

,,Eins og ég hef sagt, það er tækifæri fyrir alla leikmenn að fá spilatíma í leikjunum sem við spilum,“ sagði Slot.

,,Þetta hefur ekki bara verið erfitt fyrir hann. Hann þarf líka að keppa við leikmenn eins og Cody Gakpo, Luis Diaz, Diogo Jota, Darwin Nunez og Mo Salah.“

,,Þetta tengist ekki bara Federico þegar kemur að spilatíma heldur öðrum leikmmönnum líka. Þetta tengist því líka hvernig hann kom inn, aðrir leikmenn höfðu verið að æfa og við þurftum að koma honum í leikform.“