Ipswich hefur sent frá sér yfirlýsingu í kjölfar þess að fyrirliðinn Sam Morsy neitaði að bera regnbogaband í leik liðsins um helgina.
Dagana 29. nóvember til 5. desember bera fyrirliðar böndin til að sýna LGBTQ+ samfélaginu stuðning. Það vakti athygli að Morsy var sá eini sem bar bandið ekki í umferðinni sem leið.
Ipswich hefur nú staðfest að Morsy hafi ekki borið bandið af trúarlegum ástæðum, en hann aðhyllist Íslam.
„Í augum Ipswich eru allir velkomnir og við syðjum herferðina með stolti og stöndum með LGBTQ+ samfélaginu í þeirra baráttu um jafnrétti og samþykki.
Á sama tíma virðum við ákvörðun Sam Morsy, sem tók ákvörðun um að bera bandið ekki vegna trúar sinnar. Við munum halda áfram að virða öll gildi, innan vallar sem utan,“ segir meðal annars í yfirlýsingunni.
