Forráðamenn Liverpool og Real Madrid munu ræða um mál Trent Alexander-Arnold þegar félögin hittast í dag fyrir leik liðanna í Meistaradeild Evrópu.
Hefð er fyrir því í Evrópuleikjum að heimaliðið bjóði stjórn gestanna í hádegismat.
Marca á Spáni segir að hádegisverðurinn hefjist sex klukkustundum fyrir leikinn á Anfield í kvöld.
Trent er sterklega orðaður við Real Madrid þegar samningur hans við Liverpool rennur út næsta sumar.
Marca segir að forráðamenn Real Madrid ætli sér að ræða við Liverpool um stöðu mála og hvort félagið geti krækt í hann næsta sumar.
