Guðlaugur Victor Pálsson ræddi við Stöð 2 Sport í kvöld eftir leik Íslands við Wales í Þjóðadeildinni.

Ísland tapaði 4-1 í riðlinum og endar í þriðja sæti en liðið hefði getað náð öðru sætinu með þremur stigum.

Ísland fékk færi til að skora meira en eitt mark í viðureigninni og var Guðlaugur Victor vissulega svekktur eftir leik.

,,Það var það. Við byrjum leikinn mjög vel og erum mjög aggressívir og stöndum vel í blokkinni okkar. Við skorum mark og hefðum getað skorað fleiri,“ sagði Guðlaugur Victor.

,,Við gefum of mikið af mörkum í dag og svo í seinni hálfleik þá förum við maður á mann og erum að sækja og fáum færin til að skora, það er stutt á milli í þessu. Við gefum mörkin og þegar við erum aggressívir einn á einn í pressunni og ef mistök gerast er þér refsað gegn góðum liðum.“

,,Það er stutt á milli í þessu. Við erum að koma hingað gegn góðu liði en það er stutt á milli í fótbolta og það sýndi sig í dag.“