Íslenska karlalandsliðið hafnar í þriðja sæti í sínum riðli í B deild Þjóðadeildarinnar eftir leik við Wales í kvöld.
Ísland byrjaði mjög vel og komst yfir eftir átta mínútur er Andri Lucas Guðjohnsen kom boltanum í netið.
Staðan var 1-0 þar til á 32. mínútu er Liam Cullen skoraði sitt fyrsta landsliðsmark fyrir Wales og jafnaði metin.
Cullen var aftur á ferðinni undir lok fyrri hálfleiks og leiddu heimamenn 2-1 þegar flautað var til leikhlés.
Ísland fékk svo sannarlega tækifæri til að laga stöðuna eða jafna metin en Wales gerði einnig næsta mark en þar var á ferðinni Brennan Johnson.
Þegar um 11 mínútur voru eftir kom fjórða mark heimaliðsins en Harry Wilson gerði það til að gulltryggja sigurinn.
Wales fagnar sigri í þessum riðli en Tyrkland tapaði óvænt 3-1 gegn Svartfjallalandi á sama tíma.
Hér má sjá einkunnir Íslands úr leiknum að mati 433.is
Hákon Rafn Valdimarsson – 6
Ekkert við Hákon að sakast ef horft er á heildarmyndina og skilaði sínu nokkuð vel.
Alfons Sampsted – 5
Hefur átt betri daga líkt og aðrir varnarmenn Íslands.
Sverrir Ingi Ingason – 5
Í raun ólíkur sjálfum sér og virkaði í töluverðu veseni með sóknarlínu Wales.
Guðlaugur Victor Pálsson – 4
Ósannfærandi og virtist oft vera út ur stöðu á hættulegum augnablikum.
Valgeir Lunddal Friðriksson 4
Alls ekki hans besti landsleikur og var oft á köflum í veseni.
Ísak Bergmann Jóhannesson 5
Tókst ekki að koma með það sama á borðið og gegn Svartfjallalandi á dögunum eftir frábæra innkomu í 2-0 sigri.
Jóhann Berg Guðmundsson 6
Var fínn í fyrri hálfleik en fór meiddur af velli eftir fyrstu 45 sem boðaði ekki gott fyrir strákana á erfiðum útivelli.
Arnór Ingvi Traustason 5
Hljóp og barðist en skilaði litlu fram á við og kannski óöruggur á tímapunktum.
Jón Dagur Þorsteinsson 5
Hættulegur á köflum en það hægðist töluvert á vængmanninum í seinni hálfleik.
Andri Lucas Guðjohnsen 7
Líklega hættulegasti maður Íslands í kvöld og var í mörgum boltum og fékk færi til að bæta við sitt eina mark.
Orri Steinn Óskarsson 7
Fór meiddur af velli snemma leiks en var kraftmikill og hættulegur í þær mínútur sem hann spilaði.
Varamenn:
Mikael Egill Ellertsson 5
Stefán Teitur Þórðarson 4
