Raunveruleikastjarnan Kim Kardashian hélt nýlega upp á 44 ára afmæli sitt. Og hvað fær manneskja sem á allt í afmælisgjöf?
Dóttirin North West, sem er 11 ára gaf móður sinni demants- og silfurhálsmen með áletruninni „Skibidi Toilet“.
Kim deildi myndbandi af gjöfinni á Instagram Story á mánudaginn.
„North gaf mér þetta demantshálsmen sem á stendur Skibidi Toilet. Vá,“ sagði hún hlæjandi þar sem hún tók upp glitrandi hálsmenið, sem var með silfurplötu með setningunni ágrafinni að framan og áritað Love, North með dagsetningunni 10/21/24 aftan á.
„Vegna þess að þú elskar Skibidi Toilet,“ útskýrði West, 11 ára, fyrir móður sinni.
„Ha geri ég það?“ spurði Kim.
West færði móður sinni einnig hvíta afmælisköku, sem á stóð „Til hamingju með afmælið mamma“ í bleikum glasúr. Kökuna prýddu svo sex gyllt kerti.
North West er elst af fjórum börnum Kim og fyrrum eiginmanns hennar, tónlistarmannsins Kanye West. Systkinin færðu móður sinni einnig hvítar og bleikar blöðrur með andliti Kim á, og var hver blöðrustrengur bundinn við mynd eða persónulega miða frá börnunum.
North viðurkenndi að hún bjó blöðrurnar ekki til, en sá um að skaffa þær fyrir afmælið.
View this post on Instagram
