Francesco Totti útilokar ekki að snúa aftur á völlinn 48 ára gamall en um er að ræða goðsögn Roma.

Totti lagði skóna á hilluna árið 2017 en hann lék allan sinn feril með Roma og er í guðatölu hjá stuðningsmönnum.

Það verður að teljast ólíklegt að Totti snúi aftur á grasið en hann er þó í toppstandi og hefur fengið símtöl frá liðum í efstu deild Ítalíu.

,,Það eru nokkur lið í Serie A sem hafa haft samband við mig og það fékk mig til að hugsa mig um,“ sagði Totti.

,,Það hljómar nokkuð klikkað en það væri mjög erfitt að snúa aftur, þú getur þó ekki útilokað neitt.“

,,Það eru leikmenn sem spiluðu í mörg ár eftir að ferlinum í raun lauk.“