Gunnar Birgisson og Tómas Steindórsson voru gestir þeirra Helga Fannars Sigurðssonar og Hrafnkels Freys Ágústssonar í nýjasta þætti af Íþróttavikunni á 433.is.

KA varð bikarmeistari um síðustu helgi og um leið varð ljóst að aðeins efstu þrjú sæti Bestu deildar karla myndi tryggja þátttöku í Evrópukeppni á næstu leiktíð. Mörg lið voru í baráttu um fjórða sætið, sem hefði verið Evrópusæti ef Víkingur hefði unnið KA í úrslitaleiknum.

„Þetta hefur alveg verið högg. Liðin voru held ég farin að sjá fram á að fjórða sætið væri Evrópusæti,“ sagði Helgi í þættinum og Gunnar tók undir.

„Þetta er alveg fjárhagslegt högg. Þetta eru kannski 50 milljónir að fara í vaskinn,“ sagði hann.

„Ég þekki Gaflara sem voru trylltir,“ skaut Hrafnkell inn í og hélt svo áfram.

„Ég held að ÍA, FH og Stjarnan nái ekki að setja saman þrjá sigurleiki.“

Umræðan í heild er í spilaranum.

Íþróttavikan er í boði Bola léttöl og Lengjunnar