Alls voru 2,584 aðilar handteknir á knattpsyrnuleikjum í Wales og á Englandi á síðustu leiktíð. Þetta kemur fram í gögnum lögreglunnar.
Stuðningsmenn West Ham voru erfiðastir í skapinu og voru 103 handteknir á heimavelli West Ham á síðustu leiktíð.
Manchester liðin raða sér í annað og þriðja sætið en bæði lið voru með 88 stuðningsmenn sem voru handteknir.
Arsenal átti 85 stuðningsmenn sem voru handteknir en aðrir minna.
Aukin læti í kringum fótboltaleiki á Englandi hafa verið til umræðu en lögreglan telur aukna notkun á kókaíni spila þar stórt hlutverk.
Félög þar ssem flestir voru handteknir:
West Ham United – 103
Manchester City – 88
Manchester United – 88
Arsenal – 85
Chelsea – 67
