Ange Postecoglou stjóri Tottenham var ansi sáttur eftir 3-1 sigur á Brentford í ensku úrvalsdeildinni í dag.
Brentford komst yfir í leiknum en Tottenham setti í gírinn eftir það.
Brennan Johnson skoraði annað mark Tottenham í leiknum en vikan hefur verið upp og niður hjá kappanum.
Á síðasta sunnudag eyddi Johnson Instagram síðu sinni eftir að stuðningsmenn Tottenham drulluðu yfir hann eftir tap gegn Arsenal.
Í miðri viku skoraði hann svo sigurmark gegn Coventry í deildarbikarnum og setti hann aftur í dag.
„Hann átti frábæra viku, tvö mörk og vann fyrir okkur leikinn gegn Coventry,“ sagði Postecoglou.
„Lífið er gott, stundum eru það erfuðu stundirnar sem láta þig fatta hvað skiptir máli.“
