Foster + Partners hefur verið ráðið til starfa hjá Manchester United til að hanna nýjan heimavöll sem félagið stefnir á að byggja.

Foster + Partners eru reyndir í þessum fræðum og hönnuðu Wembley völlinn og Lusail völlinn í Katar fyrir HM árið 2022.

United er að reyna að klára plan sitt fyrir Old Trafford og á það að liggja fyrir áður en árið er á enda.

Líklegast er að nýr Old Trafford verði byggður og sá gamli verði jafnaður við jörðu þegar sá er klár.

Foster + Partners á að hanna þær breytingar sem farið verður í en þeir eru einnig búnir að hanna breytingar á æfingasvæði félagsins sem nú eru í gangi.