Stuðningsmenn Chelsea virðast allir vera sammála um það að félagið hafi gert ansi slæm mistök á heimasíðu sinni um helgina.
Nýr styrktaraðili Chelsea, Feverup, var kynntur á heimasíðu félagsins og var Raheem Sterling einn af þeim leikmönnum sem voru birtir í mynd.
Allar líkur eru á að Chelsea sé að losa sig við Sterling sem var ekki í leikmannahópnum gegn Manchester City um helgina.
Aðeins um tveimur tímum fyrir leikinn gegn City var auglýsingin birt en stuttu seinna var ljóst að Sterling væri ekki í hópnum.
,,Þetta voru klár mistök af hálfu félagsins. Bíðiði bara aðeins með að birta þetta,“ skrifar einn.
Annar tekur undir þessi ummæli: ,,Vandræðaleg vinnubrögð. Vissi bara enginn af þessu? Trúðar á bakvið tjöldin!“
Mynd af auglýsingunni má sjá hér.
