Eins og flestir kannski vita þá á ofurparið í Manchester von á sínu fyrsta barni en um er að ræða þau Jack Grealish og Sasha Attwood.
Parið hefur verið saman í mörg ár og staðið saman í gegnum alls konar erfiðleika en Grealish er leikmaður Manchester City.
Fyrr í sumar greindi parið frá því að þau ættu von á sínu fyrsta barni en lítið hefur heyrst síðan þá.
Sasha sjálf hefur nú birt myndir af sér ófrískri og viðurkennir að hún eigi í vandræðum með að finna föt sem passa.
Sasha var sérstaklega að leita að gallabuxum og fékk loksins ósk sína uppfyllta er hún kynntist fyrirtækinu GoodAmerican.
Grealish er sjálfur að undirbúa sig fyrir komandi átök í ensku úrvalsdeildinni en aðeins um þrjár vikur eru í að nýtt tímabil hefjist.
Myndirnar sem Sasha birti má sjá hér.
