Það var ekki mikil skemmtun sem Frakkland og Belgía buðu upp á í 16 liða úrslitum Evrópumótsins í dag, leikið var í Dusseldorf í Þýskalandi.

Bæði lið fengu nokkur hálf færi en leikurinn var lokaður allt fram á 85 mínútu.

Randal Kolo Muani fékk þá boltann inn í teignum og skaut að marki en boltinn fór í Jan Vertonghan varnarmann Belga og þaðan í markið.

Markið er skráð sem sjálfsmark en það kom á 85 mínútu leiksins og Frakkar héldu út. 1-0 sigur þeirra og liðið mætir Portúgal eða Slóveníu í átta liða úrslitum.

Vertonghen er 37 ára gamall og leikurinn var líklega hans síðasti landsleikur fyrir Belga.

Frakkar hafa skorað þrjú mörk á mótinu, tvö hafa verið sjálfsmörk og eitt þeirra kom af vítapunktinum.