Varnarmaðurinn Ben Godfrey er farinn frá Everton en hann hefur skrifað undir samning við lið Atalanta.
Þetta hefur ítalska félagið staðfest en Godfrey er 26 ára gamall og hefur leikið með Everton undanfarin fjögur ár.
Hann var fyrir það hjá Norwich og á að baki tvo landsleiki fyrir England sem komu 2021.
Atalanta borgar tíu milljónir punda fyrir miðvörðinn sem er aðeins helmingur af því sem Everton borgaði árið 2020.
Godfrey var ekki mikið á vellinum síðustu tvö tímabil og spilaði alls 30 leiki frá 2022 til 2024.
