Riðlakeppni EM í Þýskalandi var rækilega gerð upp í nýjasta þætti af Íþróttavikunni. Þar fengu þeir Helgi Fannar og Hrafnkell Freyr lögfræðinginn og hlaðvarpsstjörnuna Jóhann Skúla Jónsson í heimsókn.

Belgía hafnaði í öðru sæti síns riðils en endaði að vísu með 4 stig eins og öll hin liðin í riðlinum, Rúmenía, Slóvakía og Úkraína. Belgar mættu Úkraínu í lokaleik sínum og gerðu markalaust jafntefli. Liðið sýndi lítinn áhuga á að vinna leikinn og þar með riðilinn.

„Áhugaleysið þeirra til að vinna og átta sig ekki á ávinningnum við að vinna þennan riðil, sleppa við að mæta Frökkum og vera í erfiðari hlutanum í 16-liða úrslitum, eru þeir ekki með þessu að sætta sig við að þeir fari ekkert lengra en í 16-liða úrslit?“ spurði Helgi.

Hrafnkell tók til máls.

„Þegar Openda og Kevin de Bruyne voru að halda boltanum úti í horni á 93. mínútu, það er ótrúlegasta hegðun sem ég hef séð. Að leikmaðurinn og sigurvegarinn sem Kevin de Bruyne er hafi gúdderað þetta. Mér finnst það magnað.“

Umræðan í heild er í spilaranum.