Jafntefli var í báðum leikjum í lokaumferð E-riðils á EM í Þýskalandi og á magnaðan hátt enda öll lið með 4 stig.
Rúmenar og Slóvakar gerðu 1-1 jafntefli. Ondrej Duda kom Slóvökum yfir á 24. mínútu leiksins en Razvan Marin jafnaði fyrir Rúmena á 37. mínútu af vítapunktinum.
Belgar og Úkraínumenn gerðu þá markalaust jafntefli.
Sem fyrr segir enda öll lið með 4 stig en þegar farið er í markatöluna vinnur Rúmenía riðilinn, Belgar hafna í öðru sæti, Slóvakar í því þriðja og Úkraínumenn neðstir og úr leik.
Það er ljóst að Belgar eiga snúinn leik fyrir höndum í 16-liða úrslitum en þeir mæta Frökkum.
