Chelsea hefur sent fyrirspurn til Newcastle til að kanna möguleikann á því að kaupa Alexander Isak framherja félagsins í sumar.
Daily Mail segir frá þessu.
Það er hins vegar hæpið að Chelsea muni ganga að kröfum Newcastle en samkvæmt Daily Mail vill félaigð fá 115 milljónir punda fyrir sænska framherjann.
Newcastle telur það eðlilegan verðmiða í samanburði við þá upphæð sem Chelsea greiddi fyrir Moises Caicedo fyrir ári síðan.
Isak skoraði 25 mörk í 40 leikjum fyrir Newcastle á síðustu leiktíð og ógnaði sífellt með hraða sínum og krafti.
