Adam Ægir Pálsson, leikmaður Vals, var gestur í nýjasta þætti af Íþróttavikunni á 433.is. Helgi Fannar Sigurðsson og Hrafnkell Freyr Ágústsson hafa umsjón með þættinum.
Albert Guðmundsson, leikmaður Genoa, er áfram orðaður hingað og þangað en Inter og Tottenham hafa reglulega verið nefnd til sögunnar hvað framtíð hans varðar. Á dögunum var hann hins vegar orðaður við Sádi-Arabíu.
„Ég veit að það er allavega áhugi frá Sádí. Það eru góðir leikmenn og góðir leikmenn og góð taktík,“ sagði Adam kaldhæðinn, en hann er góður vinur Alberts.
Adam telur þó ólíklegt að Albert fari til Sádí, hann vilji spila í stóru deildunum í Evrópu. Hann telur ekki útilokað að kappinn verði áfram hjá Genoa.
„Ég held það sé frekar öruggt að hann vilji vera í Evrópu. Honum líður vel í Genoa. Það gæti allt gerst. Hann er ekkert á versta stað í heiminum.“
Umræðan í heild er í spilaranum.
