Umboðsmaður Erling Haaland hefur staðfest það að leikmaðurinn sé alls ekki að leitast eftir því að komast frá félaginu.
Rafaela Pimenta er umboðsmaður Haaland en hann er margoft orðaður við lið Real Madrid á Spáni.
Engar líkur eru á að Haaland fari þangað í sumar og litlar líkur á að það gerist næsta ár.
Samningur Haaland er til 2027 en hann hefur verið markakóngur Englands undanfarin tvö tímabil.
,,Sama hvað gerist þá er eitt alveg ljóst og það er að Erling Haaland líður eins og heima hjá sér hjá Manchester City!“ sagði Pimenta.
,,Hann er 1000 þúsund prósent trúr verkefninu hjá City og er nú þegar fullur tilhlökkunar fyrir næsta tímabili.“
